ՄԵՐ ՄԱՍԻՆ

Ի-Վի Քոնսալթինգը գործարար խորհրդատվական ընկերություն է,
որն աջակցում է մրցունակության և նորարարության հաջորդ`
ավելի բարձր մակարդակի ձգտող կազմակերպություններին:

ԶԱՐԳԱՑՈՒՄ

Հայկական «Ի-Վի Քոնսալթինգը» միանում է «Սիվիտային»

Հյուսիսային, Կենտրոնական և Արևելյան Եվրոպայի առաջատար կառավարչական խորհրդատվական «Սիվիտտա» (CIVITTA) ընկերությունը ձեռք է բերում հայկական «Ի-Վի Քոնսալթինգ» ընկերությունը: Վերջինս դառնալու է «Սիվիտտայի» 27-րդ գրասենյակը՝ ամրապնդելով ընկերության տարածաշրջանային դիրքերը (մնացած գրասենյակները սփռված են 17 եվրոպական երկրներում)։

«Ի-Վի Քոնսալթինգը» հիմնադրվել է 2006 թ․-ին և դարձել Հայաստանում կառավարչական խորհրդատվական, հետազոտական և կորպորատիվ ֆինանսավորման ոլորտի առաջատարներից։ Ընկերության մատուցած ծառայությունները ներառում են խորհրդատվություն ռազմավարության, ներդրումների, մարդկային ռեսուրսների կառավարման, մարկետինգի, արդյունավետության բարձրացման, թվանշային փոխակերպման, ինչպես նաև հանրային քաղաքականության բնագավառներում՝ սպասարկելով տարբեր չափերի ընկերությունների և հաստատությունների։ Թիմն իրականացրել է բազմաթիվ առանցքային ծրագրեր ինչպես հանրային ոլորտում (օրինակ՝ արտահանմանն ուղղված արդյունաբերական քաղաքականության մշակում, Հայաստանի ազգային մրցունակության զեկույցի հրատարակում, Հայաստանի ազգային ինժեներական լաբորատորիաների ստեղծմանն աջակցություն, այնպես էլ՝ մասնավոր հատվածում (ժամանակակից կառավարման համակարգերի ներդրում, հայկական ընկերությունների համար միջազգային ֆինանսական կառույցներից մեծածավալ կապիտալի ներգրավմանն աջակցելը և այլն։

«Սիվիտտա Հայաստան» բրենդի ներքո «Ի-Վի Քոնսալթինգի» թիմը շարունակելու է ծառայություններ մատուցել Հայաստանի իր գործընկերներին, ինչպես նաև «Սիվիտտա» խմբի այլ գործընկերների։ Ընկերության նպատակն է կարճ ժամանակահատվածում դառնալ տարածաշրջանային փորձագիտական կենտրոն և առաջատար մասնագետներ ներգրավելու և զարգացնելու շնորհիվ իրագործել բարդ նախագծեր միջազգային գործընկերների համար։

«Մենք ձգտել ենք ստեղծել յուրահատուկ բնավորություն ունեցող ընկերություն՝ հիմքում ունենալով կատարելության ձգտումը, խորքային մոտեցումը և նորարարական մտածելակերպը։ Այս արժեքները եղել են մեր հաջողության բանալին տեղական շուկայում։ Միավորելով ուժերը «Սիվիտտայի» հետ` մենք տեսնում ենք հնարավորություն` դրանք ավելի մեծ միջազգային մասշտաբով կիրառելու, քանի որ կարծում ենք, որ մեր արժեքային համակարգերը ներդաշնակ են»։
—Մանուկ Հերգնյան, «Ի-Վի Քոնսալթինգի» հիմնադիր և գլխավոր տնօրեն

«Այս ձեռքբերումը համահունչ է «Սիվիտտայի» ընդլայնման ռազմավարությանը՝ նպատակ ունենալով դառնալու տարածաշրջանի առաջատար խորհրդատվական ընկերությունը: «Ի-Վի Քոնսալթինգը» Հայաստանում ունի բարձրակարգ խորհրդատվական ընկերության հեղինակություն։ Միավորելով մեր ուժերը՝ հնարավորություն կունենանք ավելի մեծ արժեք տրամադրելու մեր գործընկերների աճող բազային և մարտահրավեր նետելու շուկայի ավանդական համաշխարհային մրցակիցներին` մոտեցում, որը «Սիվիտտան» կիրառել է իր գործունեության բոլոր երկրներում։ Ծրագրում ենք նաև լայնորեն հավաքագրել վերլուծաբաններ և խորհրդատուներ՝ նրանց տալով միջազգային աշխատանքային փորձ ձեռք բերելու բացառիկ հնարավորություն՝ աշխատելով մեր երևանյան գրասենյակում»։
—Ադամ Սաուլիուս Վաինա, CIVITTA International-ի խորհրդի անդամ

ԻՆՔՆՈՒԹՅՈՒՆ

Ի-Վի Քոնսալթինգը գործարար խորհրդատվական ընկերություն է, որն աջակցում է մրցունակության և նորարարության հաջորդ` ավելի բարձր մակարդակի ձգտող կազմակերպություններին:

Ի-Վի Քոնսալթինգը համագործակցում է բիզնես առաջնորդների և ընկերությունների ղեկավարների հետ` զարգացման հաջորդ մակարդակ անցնելու, հնարավորությունները համատեղ բացահայտելու և դրանց հասնելու համար: Նմանատիպ համագործակցություններ Ի-Վի Քոնսալթինգը հաստատում է կառավարման խնդիրների տարբեր և կրիտիկական ոլորտներում` սկսած շուկայի տարբեր հնարավորությունների բացահայտումից, մինչև ֆինանսական միջոցների ներգրավումն ու բարդ կառավարման համակարգերի ձևավորումն ու ներդրումը:

Ի-Վի Քոնսալթինգն ընդարձակում է մտահորիզոնն իր հետազոտական թևի` Տնտեսություն և արժեքներ հետազոտական կենտրոնի գործունեության շնորհիվ:

Տնտեսություն և արժեքներ հետազոտական կենտրոն

«Տնտեսություն և արժեքներ»-ը հետազոտական և գործնական նախաձեռնությունների կենտրոն է, որն առաջնորդվում է մրցունակ Հայաստան ունենալու տեսլականով: «Տնտեսություն և արժեքներ» հետազոտական կենտրոնի գործունեության առանցքներն են մրցունակության հայեցակարգի ուսումնասիրությունն ու խթանումը, տնտեսական քաղաքականության և ռազմավարության ոլորտներում ներկայիս և ապագա առաջնորդների ուսուցումն ու խորհրդատվությունը, ինչպես նաև զարգացման արժեքային և մշակութային հիմնասյուների ուսումնասիրությունը:

 «Տնտեսություն և արժեքներ» հետազոտական կենտրոնը  Համաշխարհային տնտեսական ֆորումի «Նոր տնտեսության և հասարակության կենտրոնի» գործընկեր կազմակերպությունն է Հայաստանում:

մարդիկ

Մեր գործունեությունը մտավոր ոլորտում է, որի հիմքում մարդիկ են, նրանց կամքն ու բնավորությունը:

Ի-Վի Քոնսալթինգի գործունեությունը հիմնված է լայն փորձառությամբ, մեծ ունակություններով, միևնույն ժամանակ` խորաթափանցությամբ և ստեղծագործ մտքով օժտված թիմի վրա:  Մեր աշխատակիցները մասնագիտացած են տնտեսագիտության, բիզնես կառավարման և ֆինանսների բնագավառներում և ունեն թե՛ մասնավոր, և թե՛ հասարակական ոլորտներում գործունեության հարուստ փորձ: Թիմի յուրաքանչյուր անդամ մեզ համար ավելին է, քան պարզապես աշխատող: Ի-Վի Քոնսալթինգը նաև համագործակցում է տարբեր ոլորտներում մասնագիտացած միջազգային խորհրդատուների և մասնագետների լայն ցանցի հետ` վերջիններիս նեղ մասնագիտական խորը գիտելիքներն առանձին նախագծերում կիրառելու նպատակով: Մեզ միավորող ուժը կատարելության ձգտումն է: Յուրաքանչյուր նախագծում մենք ձգտում ենք կիրառել ոչ մակերեսային մոտեցումներ և յուրահատուկ լուծումներ: Հաճախորդի վստահությունը անգնահատելի է մեզ համար: Բոլոր այս դժվարին նպատակներին մեզ օգնում է հասնել ստեղծագործ և ոգեշնչող աշխատանքային միջավայրը:

ԱՇԽԱՏԱՆՔ

Խորաթափանցությունն ու ստեղծագործ միտքը մեզ մոտ առավել բարձր գնահատականի են արժանի, քան պարզապես փորձառությունն ու հմտությունները:

Միացեք Մեզ

Եթե կարծում եք, որ սա Ձեզ համար է, ուղարկեք ինքնակենսագրական և հետաքրքրվածության նամակ [email protected] էլ․ հասցեին։

Մեր հեռանկարային աշխատակիցը

  • Չի վախենում աշխատանքից
  • Փորձում է ավանդական խնդիրները հաղթահարել նորարար լուծումների կիրառմամբ
  • Չի վախենում դիմագրավել ավանդական մտածելակերպին և նոր գաղափարներ է ներդնում ընկերության գործունեության մեջ
  • Ջանք չի խնայում յուրաքանչյուր հաճախորդի խնդիրներին լավագույն լուծումներ տալու համար
  • Համակված է նորանոր ասպարեզներում իր տաղանդը և գիտելիքները օգտագործելու ցանկությամբ
  • Գրագետ է և ունի գրելու լավ ունակություններ:
դիմել

ՊՐԱԿՏԻԿԱՅԻ ԾՐԱԳԻՐ

Ի-Վի Քոնսալթինգում պրակտիկան (internship) եզակի հնարավորություն է ընձեռում ներգրավվելու բիզնեսի և տնտեսության դժվարին մարտահրավերներին համապարփակ լուծումներ տալու գործում, որոնք նպաստում են ինչպես մասնավոր ընկերությունների, այնպես էլ Հայաստանի ընդհանուր տնտեսական զարգացմանը:
Իրականացվող բազմազան ծրագրերը նպաստում են մեր թիմի անդամների արագ և շարունակական մասնագիտական աճին:

Պարտականություններ․

  • Տվյալների հավաքագրում և հետազոտությունների իրականացում
  • Ընկերությունների, տարբեր ոլորտների և մակրոտնտեսական միջավայրի վերլուծություններ
  • Զեկույցների մշակում
  • Ծրագրերի շրջանակում պահանջվող այլ առաջադրանքներ։

Պահանջներ

  • Մոտիվացված անհատներ, ովքեր ցանկանում են սովորել
  • Բարձրագույն կրթություն տնտեսագիտության / բիզնես կառավարման / ֆինանսների գծով
  • Հայերեն, անգլերեն և ռուսերեն լեզուների գերազանց իմացություն
  • Հետազոտական և վերլուծական հմտություններ
  • Հաղորդակցման, ժամանակի կառավարման և խնդիրներին լուծումներ տալու կարողություններ
  • Թիմային և ինքնուրույն աշխատելու ունակություն։

a

Պրակտիկայի ծրագիրն ամբողջ դրույք է և անվճար առաջին ամսվա համար: Կատարված աշխատանքի որակի հիման վրա ծրագիրը կարող է երկարել ևս 3 վճարովի ամսով: Հնարավոր է նաև հաջորդի աշխատանքի առաջարկ:

Անվճար

ՎՃԱՐՈՎԻ

ԱՇԽԱՏԱՆՔԻ ԱՌԱՋԱՐԿ

1-ին ամիս։ ԱՆՎՃԱՐ
3-րդ ամիս։ ՎՃԱՐՈՎԻ
5-րդ ամիս։ ԱՇԽԱՏԱՆՔԻ ԱՌԱՋԱՐԿ

Եթե կարծում եք, որ սա Ձեզ համար է, ուղարկեք ինքնակենսագրական և հետաքրքրվածության նամակ  [email protected] էլ․ հասցեին` վերնագրում նշելով` Internship։ Դիմել հնարավորինս շուտ։ Հեռախոսազանգերի անհրաժեշտություն չկա: