Մենք ընկերության օպտիմալ կազմակերպական  կառուցվածք մշակելու մանդատ վերցրեցինք, օգնեցինք ներդնել մարդկային ռեսուրսների կառավարման գործառույթներ, իրականացնել անձնակազմի հավաքագրում և կանոնակարգել գործառութային հոսքը: Վերոնշյալ գործողությունները օգնեցին ստեղծել անհրաժեշտ նախապայմաններ` ընկերությունում կորպորատիվ կառավարման ժամանակակից համակարգի ներդրման համար:

Մենք նախագծեցինք և օգնեցինք ներդնել կորպորատիվ կենտրոնի արդյունավետ կազմակերպական կառուցվածք, որը լավագույնս համապատասխանում էր լայնորեն դիվերսիֆիկացված բիզնեսների ներքին բնութագրերին: Վերջնական ընտրության համար կազմվեցին ֆունկցիոնալ կենտրոնացվածության տարբեր մակարդակներ ենթադրող տարբերակներ, որոնց միջև ընտրությունը կատարվեց համեմատական վերլուծության և կազմակերպության հետ համադրելիության ստուգման հիման վրա:

Ի-Վի Քոնսալթինգը ՎԶԵԲ-ի «Հայաստանում փոքր բիզնեսների խորհրդատվության» հետ համատեղ կազմակերպեց սեմինար` նվիրված բիզնեսի գնահատմանը և դրա հետ կապված ներդրողների հետ բանակցելու կարողությունների զարգացմանը: Մասնակիցների թիրախային շրջանակն էր ընկերությունների սեփականատերերը, գործադիր և ֆինանսական տնօրենները, ֆինանսական վերլուծաբաններն ու խորհրդատուները: