Ի-Վի Քոնսալթինգն իրականացրել է իրագործելիության հետազոտություններ Հայաստանում նոր պղնձաձուլարանի կառուցման և ֆոտովոլտայիկ ապրանքների արտադրության կազմակերպման համար: Գնահատման արդյունքների միջոցով կազմվեց ծախսեր-օգուտներ վերլուծություն, նաև ընդգծվեցին առանցքային ռիսկերը: Չնայած նախնական դրական տրամադրվածության` խորհուրդ տվեցինք խուսափել այդ ներդրումներն իրականացնելուց` հաշվի առնելով շահույթ/ռիսկ անբարենպաստ հարաբերակցությունը:

Օգտագործման և վերաբերմունքի խորքային հետազոտությամբ ի հայտ բերված արդյունքների հիման վրա Ի-Վի Քոնսալթինգն իրականացրեց շուկայի սեգմենտավորում պաղպաղակի ապրանքային կատեգորիայում, ինչն օգնեց հաճախորդին նույնականացնել շուկայի գրավիչ և հեռանկարային սեգմենտները և մշակել նոր, թիրախավորված ապրանքներ:

Օտարերկրյա բջջային ընկերության կողմից կլանվելուց հետո մենք օգնեցինք հաճախորդին գնահատել այդ բրենդի ուժը և վերջինիս նկատմամբ հաճախորդների կապվածությունը, ինչն իր նպաստը բերեց ռեբրենդինգային ռազմավարության շուրջ բանակցությունների ժամանակ:

Ի-Վի Քոնսալթինգը հանդես է գալիս որպես առաջատար բջջային հեռահաղորդակցային ընկերության երկարաժամկետ գործընկեր` իրականացնելով բրենդի կատարողականի պարբերական գնահատումներ և հաճախորդների բավարարվածության հետազոտություններ: Բրենդի կանոնավոր բենչմարքինգային հետազոտությունների միջոցով մենք հետևում և վերլուծում ենք բրենդի կատարողականը մրցակիցների համեմատ: