Ի-Վի Քոնսալթինգը զեկույցը պատրաստել է ՀՀ կրթության և գիտության նախարարության պատվերով 2015թ. մայիսին Երևանում կայացած Եվրոպական բարձրագույն կրթական տարածքի նախարարական գագաթաժողովի և Բոլոնիայի քաղաքականության 4-րդ ֆորումին ընդառաջ: Զեկույցը ներկայացնում է ընդգրկուն տեղեկատվություն Հայաստանի կրթության և գիտության ոլորտի նորարարական նախաձեռնությունների և շոշափելի ձեռքբերումների և մասին:Կարդացեք անգլերեն տարբերակն ամբողջությամբ>>

Ծրագրի մոնիթորինգի և գնահատման գործառնական ցուցանիշների համակարգի մշակում, ինչպես նաև Հայաստանի տնտեսության և հասարակության վրա վերջինիս հնարավոր սոցիալական և տնտեսական ազդեցության գնահատում:

Հետազոտությունը գնահատում է ճարտարագիտական ծառայությունների զարգացման ներուժը համաշխարհային շուկայի զարգացման միտումների ներքո, նույնականացնում է ընկերությունների կարիքներն ու տրամադրում է ռազմավարական առաջարկներ ոլորտի աջակցության համար:

Ի-Վի Քոնսալթինգը հանդիսացել է տեղական ենթակապալառու Նաթան ասոշիեյթսի համար: Վերջինս իրագործել է 17 մլն ԱՄՆ դոլար արժողությամբ մասնավոր հատվածի զարգացման ծրագիր: Ծրագիրը նպատակաուղղված էր Հայաստանում զբոսաշրջության, ՏՏ, դեղագործական և ճարտարագիտական քլաստերների զարգացմանը:

Զեկույցը վերլուծել է բարձր տեխնոլոգիաներ ունեցող առաջնակարգ անդրազգային կորպորացիաների արժեշղթերի միջազգայնացման օրինակները և սահմանել այն կարևորագույն գործոնները , որոնց շնորհիվ վերջիններս դարձան ՀուՄ ոլորտի բարձրակարգ վերամշակող առաջատարներ: Զեկույցում նաև տրվել են թիրախավորված կորպորացիաների ներգրավման համար առաջարկներ:

Հայաստանի ՏՏ ոլորտի այլընտրանքային սցենարները մշակվել են ոլորտի եկամուտների էկոնոմետրիկական մոդելներից ստացված արդյունքների հիման վրա: Զեկույցը ներառում է մի քանի երկրների օրինակների ուսումնասիրություններ և տրամադրում է Հայաստանի ՏՏ քլասթերի հետագա աճի համար քաղաքականության առաջարկներ:

Ելնելով տնտեսության գերակա ոլորտներին աջակցության հեռանկարներից և հիմնվելով միջազգային լավագույն փորձի ուսումնասիրության և հայկական իրականության հետ տարբեր մոտեցումների համադրման գնահատման վրա` մշակվել են բուհ-երի պետական ֆինանսավորման առաջարկներ:

Վերլուծվել են բարձրագույն ուսումնական հաստատությունների շրջանավարտների նկատմամբ պահանջարկն ու աշխատանքի ընդունման հեռանկարները: Գնահատվել է ուսանողական վարկերի նկատմամբ պահանջարկը ֆինանսավորման տարբեր պայմանների դեպքում: Կառավարությունը նախաձեռնել է ուսանողական վարկերի ծրագիրը 2013 թվականին:

ՀՀ Կառավարության խնդրանքով 2007 թվականի դեկտեմբերին Ի-վի-ն Հայաստան 2020 նախագծի և ԱՄՆ ՄԶԳ կողմից հիմնադրված «Մրցունակ հայկական մասնավոր հատված» նախագծի հետ համատեղ մշակեցին ՀՀ Զբոսաշրջության ոլորտի ռազմավարության հայեցակարգը, որն ընդունվեց որպես ուղեցույց` Հայաստանի զբոսաշրջության ոլորտի հետագա զարգացման համար:

Ի-Վի Քոնսալթինգը կազմեց Հայաստանի ՏՏ ոլորտի զարգացումն արտացոլող հիմնական ցուցանիշների կանխատեսումը և մասնակցեց ոլորտի ռազմավարական նախաձեռնությունների մշակմանը:

Հայեցակարգը մշակվել էր Ի-Վի Քոնսալթինգի կողմից` ՀՀ Էկոնոմիկայի նախարարության պատվերով: Այն սահմանում է առանցքային սկզբունքներն ու գլխավոր նախաձեռնությունները ինտեգրված ռազմավարության շրջանակներում:

Ի-Վի Քոնսալթինգը մշակել է Հայաստանի ազգային պոլիտեխնիկական համալսարանում (ՀԱՊՀ) ժամանակակից կրթական և հետազոտական լաբորատոր կենտրոնի (շուրջ 6 մլն դոլար արժողությամբ) հայեցակարգը և իրականացման պլանը, որը նախաձեռնվել էր ՀԱՊՀ և «National Instruments» ընկերության համատեղ ջանքերով։

Ի-Վի Քոնսալթինգն իրականացրել է Հայաստանում 3,5-րդ սերնդի սինխրոտրոն եզակի լույսի աղբյուր ստեղծելու նախագծի իրագործելիության  և սոցիալ-տնտեսական ազդեցության համապարփակ վերլուծություն։ Այս ուսումնասիրության արդյունքների հիման վրա Հայաստանի կառավարությունը որոշում է կայացրել սկսել այս նախագծի իրագործումը։

Արտահանման արդյունաբերական ռազմավարությունն ուրվագծեց գերակա արդյունաբերական ճյուղերի զարգացմանն ուղղված կառավարության քաղաքականությունը՝ սահմանելով նպատակները, մեկնարկային փուլի առաջնահերթություններն ու առանցքային նախաձեռնությունները, միջամտությունների հիմնական սկզբունքները, քաղաքականության իրագործման կազմակերպական կառույցները։